Hitik na hitik sa bunga....... SILING PANIGANG MAGANDANG ALAGAAN KUNG TAG-ULAN Ngayong araw na ito ay ise-share ko sa inyo ang aking personal na karanasan tungkol sa Siling Panigang dahil maganda at madali siyang alagaan kapag tag-ulan na tulad ngayon na ating nararanasan. Ang aking mga tanim na Siling Panigan ay pawang nasa 10-liters na empty bottle ng mineral water na aking pinalaki hanggang sa mamulaklak at nagbunga ng hitik na hitik sa pamamagitan ng Organikong pamamaraan. Ang Siling Panigang ay masarap at masustansiya, madalas ay ginagamit na sahog sa ano mang luto na sinigang na karne at isda. Ginagamit din sahog sa dinuguan, masarap sa sawsawan dahil katamtaman lamang ang Anghang nito at panganahing sangkap sa "Bicol Express". Kung nais ninyong magtanim ng Siling Panigang ay maaari kayong bumili ng seeds nito sa mga plant nursery, SM Supermarket, Ace Hardware, Handyman, Shopwise Supermarket iba pa. Simpleng alagaan at patubuin ang Siling Panigang sa 10 liters na empty bottle ng mineral water.